Hey, mac, did ye see him as he cam doun by Gorgie
Awa owre the Lammerlaw an north o the Tay?
Yon man is comin an the hail toun is turnin out
We're aa shair he'll win back tae Glesca the day
The jiners an hauders-on are merchin fae Clydebank
Come on nou an hear him he'll be owre thrang tae bide
Turn out Jock an Jimmie, leave yer cranes an yer muckle gantries
Great John Maclean's comin hame tae the Clyde
Argyll St and London Road's the route that we're merchin
The lauds frae the Broomielaw are here, tae a man!
Hey Neil, whaur's yer hauderums, ye big Heilan teuchtar
Get yer pipes, mate, an merch at the heid o the clan
Hullo, Pat Malone, shair A knew ye'd be here, so,
The red an the green, laud, we'll wear side by side
Gorbals is his the day an Glesca belangs tae him
Nou great John Maclean's comin hame tae the Clyde
Forward tae Glesca Green we'll merch in guid order
Will grips his banner weill, that boy isnae blate!
Aye, weill, man, thair's Johnnie nou, that's him thair the bonnie fechter
Lenin's his feir, laud, and Liebknecht's his mate
Tak tent whan he's speakin for thae'll mind whit he said here
In Glesca, our city, an the hail warl besides
Och man the scarlet's bonnie, here's tae ye Heilan Shonie
Great John Maclean's comin hame tae the Clyde
Aye weill, whan it's feenisht A'll awa back tae Springburn
Come hame tae yer tea, John, we'll sune hae ye fed
It's hard wark the speakin, och, A'm shair he'll be tired the nicht
A'll sleep on the flair, mac, an gie John the bed
The hail city's quiet nou, it kens that he's restin
At hame wi's Glesca freens, thair fame an thair pride
The red will be worn, ma lauds, an Scotlan will rise again
Nou great John Maclean has come hame tae the Clyde
credits
from Dawn of the Reds,
released September 14, 2008
Written by Hamish Henderson (1948).
A four-track bout between two of Australia's most formidable post-punk groups, fueled by wiry guitar riffs and vibrant, timely lyrics. Bandcamp New & Notable Oct 19, 2022
Downtown Boys' Sub Pop debut is as brash, bright, and political as the Providence punk band's ever been, showcasing their songwriting. Bandcamp New & Notable May 24, 2017
From the first deadened cowbell to the last dissonant guitar interval, Dutch quartet Geo's new record is shaped for impact. Bandcamp Album of the Day Apr 25, 2024
Dead Cross, Retox, and Qui members dish out subversive hardcore with an indignant smirk; come for the riffs, stay for the synth experiments. Bandcamp New & Notable Mar 31, 2024